മണ്ടത്തരമെന്ന് കേരള കോണ്ഗ്രസ് ചങ്ങനാശ്ശേരി നിയമസഭാ സീറ്റ് കോണ്ഗ്രസ് പരസ്യമായി ആവശ്യപ്പെട്ടു
ചങ്ങനാശ്ശേരി: അടുത്ത തിരഞ്ഞെടുപ്പില്‍ ചങ്ങനാശ്ശേരി നിയമസഭാ മണ്ഡലം വിട്ടുനല്‍കണമെന്ന് കോണ്ഗ്രസ്-ഐ പരസ്യമായി ആവശ്യപ്പെട്ടു. ഓട്ടോറിക്ഷാ തൊഴിലാളി യൂണിയന്‍ (ഐ.എന്‍.ടി.യു.സി.) നേതൃത്വത്തില്‍ ജില്ലാ പഞ്ചായത്ത് പ്രസിഡന്റ് രാധാ വി.നായര്‍, മുനിസിപ്പല്‍ ചെയര്‍പേഴ്‌സണ്‍ ഓമനാ ജോര്‍ജ് എന്നിവര്‍ക്ക് കോണ്ഗ്രസ് ഹൗസില്‍ നല്‍കിയ സ്വീകരണ യോഗത്തിലാണ് നേതാക്കള്‍ ഈ ആവശ്യം ഉന്നയിച്ചത്.
ഡി.സി.സി. ജനറല്‍ സെക്രട്ടറി കെ.ജെ. ജയിംസ് അധ്യക്ഷതവഹിച്ച സമ്മേളനത്തില്‍ കോണ്ഗ്രസ് ബ്ലോക്ക് പ്രസിഡന്റ് ടോമി ചങ്ങങ്കരിയാണ് സംഘടനാ തലത്തില്‍ നേരത്തെ ഉന്നയിച്ച ആവശ്യം പരസ്യമായി പ്രഖ്യാപിച്ചത്. യൂണിയന്‍ സംഘാടകരായ പി.എന്‍. നൗഷാദ്, വി.എ. അബ്ദുള്‍സലാം, തോമസ് അക്കര, ബിജി മൂലയില്‍, പി.എം. ജോഷ്വാ, മേരിക്കുട്ടി ചാക്കോ, ജിജി പോത്തന്‍ തുടങ്ങിയവര്‍ സംസാരിച്ചു.
എന്നാല്‍, കോണ്‍ഗ്രസ്സിന്റെ ആവശ്യം മണ്ടത്തരവും ബാലിശവുമാണെന്ന് യൂത്ത് ഫ്രണ്ട്(എം) സംസ്ഥാന പ്രസിഡന്റ് അഡ്വ. ജോബ് മൈക്കിള്‍ പ്രതികരിച്ചു. യു.ഡി.എഫ്. സംസ്ഥാന നേതൃത്വമാണ് സീറ്റു കാര്യങ്ങള്‍ തീരുമാനിക്കുന്നത്. കോണ്‍ഗ്രസ്സിന് പുതുപ്പള്ളി പോലെയാണ് കേരള കോണ്‍ഗ്രസിന് ചങ്ങനാശ്ശേരിയെന്ന് അദ്ദേഹം പറഞ്ഞു.
Friday, November 26, 2010
Subscribe to:
Post Comments (Atom)
No comments:
Post a Comment