കേരള കോണ്ഗ്രസ്(എം) ജില്ലാ കണ്‍വെന്‍ഷന്‍ കട്ടപ്പനയില്‍
കട്ടപ്പന: കേരള കോണ്‍ഗ്രസ്സുകളുടെ ലയനത്തിനുശേഷമുള്ള ജില്ലാ കണ്‍വെന്‍ഷന്‍ ജൂലായ് 31ന് കട്ടപ്പനയില്‍ നടക്കുമെന്ന്. പാര്‍ട്ടി ജില്ലാ പ്രസിഡന്റ് ജോണി പൂമറ്റം പത്രസമ്മേളനത്തില്‍ പറഞ്ഞു. ഉച്ചകഴിഞ്ഞ് മൂന്നിന് കട്ടപ്പന പഞ്ചായത്ത് മൈതാനിയിലാണ് കണ്‍വെന്‍ഷന്‍, ചെയര്‍മാന്‍ കെ.എം. മാണി, വര്‍ക്കിംഗ് ചെയര്‍മാന്‍ പി.ജെ. ജോസഫ് എന്നിവര്‍ക്ക് യോഗത്തില്‍ സ്വീകരണം നല്‍കും. കെ.എം. മാണി കണ്‍വെന്‍ഷന്‍ ഉദ്ഘാടനം ചെയ്യും പി.ജെ. ജോസഫ് മുഖ്യപ്രഭാഷണം നടത്തും. ജോസ് കെ. മാണി എം.പി., മുന്‍ എം.പി. കെ. ഫ്രാന്‍സിസ് ജോര്‍ജ്, മുന്‍ ചെയര്‍മാന്‍ വി.ടി. സെബാസ്റ്റ്യന്‍, വൈസ് ചെയര്‍മാന്‍ പി.സി. ജോര്‍ജ് എം.എല്‍.എ., സംസ്ഥാന ട്രഷറര്‍ തോമസ് ജോസഫ് തുടങ്ങിയവര്‍ പങ്കെടുക്കും. സമ്മേളനത്തിന് മുന്നോടിയായി ഗാനമേളയും ഉണ്ടാകും. ജൂലായ് 28ന് മണ്ഡലം തലങ്ങളില്‍ പതാകാദിനാചരണം നടക്കും. പത്രസമ്മേളനത്തില്‍, സെക്രട്ടേറിയറ്റംഗം അഡ്വ. തോമസ് പെരുമന, ജില്ലാ സെക്രട്ടറിമാരായ രാരിച്ചന്‍ നീര്‍ണാകുന്നേല്‍, ഒ.ജെ. മാത്യു, സിനു വാലുമ്മേല്‍, സാജു പട്ടരുമഠം, ജില്ലാ ട്രഷറര്‍ സി.വി. സ്‌കറിയ, വര്‍ഗീസ് വെട്ടിയാങ്കല്‍, ടി.വി. ജേക്കബ് എന്നിവര്‍ പങ്കെടുത്തു.
Tuesday, July 27, 2010
Subscribe to:
Post Comments (Atom)
No comments:
Post a Comment