കേരള കോണ്ഗ്രസ് (എം) ജില്ലാ കണ്‍വെന്‍ഷനുകള്‍ ഇന്നു തുടങ്ങും
കോട്ടയം: ത്രിതല പഞ്ചായത്തു തിരഞ്ഞെടുപ്പിന് മുന്നോടിയായി ജില്ലാതല കണ്‍വെന്‍ഷനുകള്‍ നടത്താന്‍ കോട്ടയത്തുചേര്‍ന്ന കേരള കോണ്ഗ്രസ് (എം) സംസ്ഥാന സെക്രട്ടേറിയറ്റ് തീരുമാനിച്ചു.
27ന് തിരുവനന്തപുരം, 28 കൊല്ലം, 30 തൃശ്ശൂര്‍, 31-ന് ഇടുക്കി, ആഗസ്ത് നാലിന് മലപ്പുറം, പാലക്കാട്, ഏഴിന് എറണാകുളം, 15ന് ആലപ്പുഴ, 21ന് കോട്ടയം എന്നീ ക്രമത്തില്‍ ജില്ലാ കണ്‍വെന്‍ഷനുകള്‍ നടക്കും. തുടര്‍ന്ന് നിയോജക മണ്ഡലം-മണ്ഡലം കണ്‍വെന്‍ഷനുകള്‍ ആരംഭിക്കും. പാര്‍ട്ടി പോഷക സംഘടനകളുടെയും സംസ്ഥാനതല കണ്‍വെന്‍ഷനുകള്‍ക്ക് തുടക്കമായിട്ടുണ്ട്. ആഗസ്ത് പകുതിയോടെ കണ്‍വെന്‍ഷനുകള്‍ പൂര്‍ത്തിയാകും.
കാസര്‍കോട്, കണ്ണൂര്‍, വയനാട്, കോഴിക്കോട് ജില്ലകളുടെ വിപുലമായ കണ്‍വെന്‍ഷനുകള്‍ ജില്ലാ കേന്ദ്രങ്ങളില്‍ നടന്നു. കണ്‍വെന്‍ഷനുകള്‍ പാര്‍ട്ടി ചെയര്‍മാന്‍ കെ.എം.മാണി ഉദ്ഘാടനം ചെയ്തു. വര്‍ക്കിങ്‌ചെയര്‍മാന്‍ പി.ജെ.ജോസഫ് മുഖ്യപ്രഭാഷണം നടത്തി. സെക്രട്ടേറിയറ്റ് യോഗത്തില്‍ ഡെപ്യൂട്ടി ചെയര്‍മാന്‍ സി.എഫ്.തോമസ്, വൈസ് ചെയര്‍മാന്‍ പി.സി.ജോര്‍ജ്, പാര്‍ട്ടി നേതാക്കള്‍ എന്നിവര്‍ പങ്കെടുത്തു.
Tuesday, July 27, 2010
Subscribe to:
Post Comments (Atom)
No comments:
Post a Comment