കോട്ടയം:
കേരള കോണ്‍ഗ്രസിന്റെ തട്ടകത്തില്‍ ടി.എം.ജേക്കബിനെക്കുറിച്ചുളള ഓര്‍മകള്‍
നിറഞ്ഞു നിന്ന സായാഹ്‌നം. കോട്ടയത്ത് പാര്‍ട്ടി ഓഫീസില്‍ ഒത്തു ചേര്‍ന്ന
കേരള കോണ്ഗ്രസ്(എം) നേതാക്കളുടെയും പ്രവര്‍ത്തകരുടെയും ഉള്ളില്‍ ജേക്കബ്
സ്‌നേഹവികാരമായി. കേരള കോണ്ഗ്രസ്(എം) സംഘടിപ്പിച്ച ടി.എം.ജേക്കബ്
അനുസ്മരണയോഗത്തില്‍ നേതാക്കള്‍ അനുഭവങ്ങള്‍ പങ്കുവച്ചു.
കേരളകോണ്‍ഗ്രസ് കുടുംബത്തിലെ നെടുംതൂണുകളില്‍ ഒരാളെയാണ് നഷ്ടമായതെന്ന്
പാര്‍ട്ടി ചെയര്‍മാന്‍ കെ.എം മാണി അനുസ്മരിച്ചു. അദ്ദേഹം പാര്‍ട്ടിയുടെ
അമൂല്യസമ്പത്തായിരുന്നു. നിയമസഭയില്‍ ഹോം വര്‍ക്ക് ചെയ്ത് വിഷയങ്ങള്‍
പഠിച്ച് അവതരിപ്പിച്ച അദ്ദേഹം ജനപ്രതിനിധികള്‍ക്ക് മാതൃകയായിരുന്നു.
തനിക്ക് സഹോദരന്‍ നഷ്ടപ്പെട്ട വേദനയാണെന്നും മാണി പറഞ്ഞു.
നിയമസഭയില്‍ വകുപ്പു തിരിച്ചുളള ബില്‍ ചര്‍ച്ചകളില്‍ കൂടുതല്‍ പങ്കെടുത്തത്
ടി.എം. ജേക്കബാണെന്ന് വര്‍ക്കിങ് ചെയര്‍മാന്‍ പി. ജെ.ജോസഫ് അനുസ്മരിച്ചു.
പാര്‍ട്ടി കെട്ടിപ്പടുക്കുന്നതില്‍ നിര്‍ണായകപങ്കാണ് ജേക്കബ് വഹിച്ചതെന്ന്
പാര്‍ട്ടി ഡെപ്യൂട്ടി ചെയര്‍മാന്‍ സി.എഫ്. തോമസ് അഭിപ്രായപ്പെട്ടു.
ബില്ലുകള്‍ അവതരിപ്പിക്കുന്ന വേളയില്‍ എം.എല്‍.എ.മാരുടെ ഇഷ്ടതാരമായിരുന്നു
ജേക്കബെന്ന് വൈസ് ചെയര്‍മാന്‍ പിസി ജോര്‍ജ് അനുസ്മരിച്ചു.
കേരള കോണ്ഗ്രസ്(എം) ഓഫീസില്‍ ചേര്‍ന്ന യോഗത്തില്‍ മോന്‍സ് ജോസഫ്
എം.എല്‍.എ, ജോയി എബ്രഹാം, ഇ.ജെ. ആഗസ്തി, ടി.വി. എബ്രഹാം, തോമസ് ചാഴികാടന്‍
എന്നിവരും സംസാരിച്ചു.
Thursday, November 3, 2011
Subscribe to:
Post Comments (Atom)
No comments:
Post a Comment