വൈക്കം: ജോസ് കെ.മാണി എം.പി നിയോജകമണ്ഡലത്തില്‍ നടത്തിയ ജനസമ്പര്‍ക്ക പരിപാടിയിലേക്ക് പരാതികളും പരിദേവനങ്ങളും നിവേദനങ്ങളുമായി ആയിരക്കണക്കിന് നാട്ടുകാര്‍ എത്തി. നിയോജകമണ്ഡലത്തിലെ നാലു കേന്ദ്രങ്ങളിലായിരുന്നു എംപി ജനങ്ങളെ കാണാന്‍ എത്തിയത്. ഇടയാഴം, ടി.വി.പുരം, ചെമ്പ്, തലയോലപ്പറമ്പ് പ്രദേശങ്ങളിലായി വ്യാഴാഴ്ച നടത്തിയ ജനസമ്പര്‍ക്ക പരിപാടിയില്‍ നൂറുകണക്കിന് സ്ത്രീകള്‍ ഉള്‍പ്പെടെയുള്ളവര്‍ പങ്കെടുത്തു. ചികിത്സാ സഹായത്തിനുള്ള അപേക്ഷകള്‍, വിദ്യാലയങ്ങളുടെ വികസനത്തിനുള്ള നിവേദനങ്ങള്‍, പ്രൊവിഡന്റ് ഫണ്ട് സംബന്ധിച്ച പരാതികള്‍ തുടങ്ങിയവ ഉള്‍പ്പെടെ വിവിധ കാര്യങ്ങളുമായാണ് ജനം എംപിയെ കാണാന്‍ എത്തിയത്. ചികിത്സാസഹായം ലഭിച്ച നിരവധി പേര്‍ അദ്ദേഹത്തെ കണ്ട് നന്ദി പറഞ്ഞു.
യുഡിഎഫ് നിയോജകമണ്ഡലം ചെയര്‍മാന്‍ പോള്‍സണ്‍ ജോസഫ്, കണ്‍വീനര്‍ പി.എന്‍.ബാബു, ജില്ലാ പഞ്ചായത്ത് വൈസ്പ്രസിഡന്റ് കെ.എ.അപ്പച്ചന്‍, നഗരസഭാധ്യക്ഷ ശ്രീലത ബാലചന്ദ്രന്‍, മോഹന്‍ ഡി.ബാബു, മാധവന്‍കുട്ടി കറുകയില്‍, തര്യന്‍ മാത്യൂസ്, ശിശുപാലന്‍, വക്കച്ചന്‍ മണ്ണത്താലി. വി.പി.ബേബി, ജോസഫ് തട്ടേഴന്‍, എസ്.സാനു, സെബാസ്റ്റ്യന്‍ ആന്റണി, തോമസ് നാല്പതില്‍ചിറ, കെ.കെ.കുട്ടപ്പന്‍, അഡ്വ. പി.വി.സുരേന്ദ്രന്‍, ജിയോ കത്തനാകുറ്റ്, ലൂക്ക് മാത്യു, വി.ടി.ജെയിംസ്, സി.ജെ.ജോണ്‍, പഞ്ചായത്ത് പ്രസിഡന്റുമാരായ ബീന മോഹനന്‍, എസ്.ഡി.സുരേഷ്ബാബു, ലീന ഡി.നായര്‍, സെലീനാമ്മ ജോര്‍ജ് തുടങ്ങിയവര്‍ നേതൃത്വം നല്‍കി.
Thursday, November 3, 2011
Subscribe to:
Post Comments (Atom)
No comments:
Post a Comment