കേരള കോണ്‍ഗ്രസ്സിന് 68 ജനറല്‍ സെക്രട്ടറിമാര്‍
കോട്ടയം: കേരള കോണ്ഗ്രസ് (എം)ന് 68 ജനറല്‍ സെക്രട്ടറിമാര്‍. വ്യാഴാഴ്ച കോട്ടയത്ത് ചേര്‍ന്ന പാര്‍ട്ടി സ്റ്റിയറിങ് കമ്മിറ്റി യോഗത്തിലാണ് പുതിയ ജനറല്‍ സെക്രട്ടറിമാരെ തിരഞ്ഞെടുത്തത്. പാര്‍ട്ടി ജില്ലാ പ്രസിഡന്റുമാരെയും തിരഞ്ഞെടുത്തു.
നേരത്തെ നിശ്ചയിച്ചതു പ്രകാരം എറണാകുളം, ഇടുക്കി, പാലക്കാട്, തൃശ്ശൂര്‍ ജില്ലാ പ്രസിഡന്റുമാര്‍ ജോസഫ് വിഭാഗത്തില്‍ നിന്നുള്ളവരാണ്. മറ്റ് പത്ത് ജില്ലകളിലെ പ്രസിഡന്റുമാര്‍ മാണി വിഭാഗത്തിനാണ്.
പുതിയ ജില്ലാ പ്രസിഡന്റുമാര്‍ തിരുവനന്തപുരം- കൊട്ടാരക്കര പൊന്നച്ചന്‍, കൊല്ലം- ബെന്നി കക്കാട്, പത്തനംതിട്ട- വിക്ടര്‍ ടി. തോമസ്, ആലപ്പുഴ- ജേക്കബ് തോമസ് അരികുപുറം, കോട്ടയം- ഇ.ജെ. ആഗസ്തി, ഇടുക്കി- ജോണിപൂമറ്റം, എറണാകുളം- ഷിബു തെക്കുംപുറം, തൃശ്ശൂര്‍- എം.പി. പോളി, പാലക്കാട്- കെ.വി. മാണി, കോഴിക്കോട്- ജോണ്‍ പൂതക്കുഴി, കണ്ണൂര്‍- ജോയ്‌സ് പുത്തന്‍പുര, വയനാട്- കെ.ജെ. ദേവസ്യ, കാസര്‍കോട്- പി.വി. മൈക്കിള്‍, മലപ്പുറം- ജോണി പുല്ലാന്താനി.
68 ജനറല്‍ സെക്രട്ടറിമാരില്‍ 27 പേര്‍ ജോസഫ് വിഭാഗത്തില്‍നിന്നുള്ളവരാണ്.
ജൂണ്‍ 25, 26 തീയതികളില്‍ ചരല്‍ക്കുന്നില്‍ പാര്‍ട്ടിയുടെ സംസ്ഥാന ക്യാമ്പ് നടത്തും.
സ്റ്റിയറിങ് കമ്മിറ്റിയില്‍ ചെയര്‍മാന്‍ കെ.എം. മാണി അധ്യക്ഷത വഹിച്ചു. വര്‍ക്കിങ് ചെയര്‍മാന്‍ പി.ജെ. ജോസഫ്, വൈസ് ചെയര്‍മാന്‍ പി.സി. ജോര്‍ജ്, ഈപ്പന്‍ വര്‍ഗീസ്, ഡോ. കെ.സി. ജോസഫ്, തോമസ് ചാഴികാടന്‍ എന്നിവര്‍ പ്രസംഗിച്ചു.
Thursday, June 10, 2010
Subscribe to:
Post Comments (Atom)
No comments:
Post a Comment