കേരള കോണ്ഗ്രസിനെ ഒറ്റക്കക്ഷിയായി പരിഗണിക്കണമെന്നു സ്പീക്കര്ക്കു കത്ത്
തിരുവനന്തപുരം: കേരള കോണ്ഗ്രസിനെ ഒറ്റക്കക്ഷിയായി പരിഗണിച്ചു നിയമസഭയില് സീറ്റ് അനുവദിക്കണമെന്നാവശ്യപ്പെട്ട് കേരള കോണ്ഗ്രസ് നേതാക്കള് സ്പീക്കര്ക്കു കത്തു നല്കി.
പാര്ട്ടി നേതാക്കളായ തോമസ് ചാഴികാടന്, ജോസഫ് എം. പുതുശേരി, ടി.യു. കുരുവിള, ഫ്രാന്സിസ് ജോര്ജ് എന്നിവര് ചേര്ന്നാണു സ്പീക്കറുടെ ഓഫീസിലെത്തി കത്തു നല്കിയത്. തിങ്കളാഴ്ച നിയമസഭാ സമ്മേളനം ആരംഭിക്കുന്നതിനു മുന്നോടിയായാണു കെ.എം. മാണിയും പി.ജെ. ജോസഫും എഴുതിയ കത്തുകള് നല്കിയത്.
നേതാവായി കെ.എം. മാണിയെയും ഉപനേതാവായി പി.ജെ. ജോസഫിനെയും സെക്രട്ടറിയായി തോമസ് ചാഴികാടനെയും വിപ്പായി ജോസഫ് എം. പുതുശേരിയെയും ട്രഷററായി മോന്സ് ജോസഫിനെയും തെരഞ്ഞെടുത്തിട്ടുണ്ടെന്നും വി. സുരേന്ദ്രന്പിള്ള പാര്ട്ടി വിട്ടുവെന്നും കത്തില് പറഞ്ഞിട്ടുണ്ട്.
Friday, June 25, 2010
Subscribe to:
Post Comments (Atom)
No comments:
Post a Comment