തിരുവല്ല: ന്യൂനപക്ഷ വര്‍ഗ്ഗീയത വളരുകയാണെന്ന് പ്രസ്താവന നടത്തിയ മുഖ്യമന്ത്രി വി.എസ്.അച്യുതാനന്ദനെതിരെ ക്രിമിനല്‍ കേസ് രജിസ്റ്റര്‍ ചെയ്യണമെന്ന് കേരള കോണ്‍ഗ്ര്(എം) ചെയര്‍മാന്‍ കെ.എം.മാണി ആവശ്യപ്പെട്ടു. കേരള കോണ്ഗ്രസ് ലയനത്തിനുശേഷം നടന്ന പത്തനംതിട്ട ജില്ല നേതൃസംഗമം തിരുവല്ലയില്‍ ഉദ്ഘാടനം ചെയ്യുകയായിരുന്നു അദ്ദേഹം. മാധ്യമങ്ങള്‍ വഴി കോടിക്കണക്കിന് രൂപയുടെ പരസ്യങ്ങള്‍ നല്‍കി സര്‍ക്കാര്‍ പ്രവര്‍ത്തനങ്ങളെ വെള്ളപൂശാന്‍ ശ്രമിക്കുകയാണ്. ഖജനാവ് കാലിയാക്കുന്ന ഈ നടപടി അഴിമതിയാണെന്നും കെ.എം.മാണി പറഞ്ഞു. അടുത്ത നിയമസഭാ സമ്മേളനത്തില്‍ ഗവര്‍ണര്‍ പുതിയ നയപ്രഖ്യാപന പ്രസംഗം നടത്തണമെന്നും അദ്ദേഹം ആവശ്യപ്പെട്ടു.
ഇന്ത്യയിലെ സംസ്ഥാന പാര്‍ട്ടികളുടെ ഫെഡറേഷന്‍ രൂപവത്കരിക്കാന്‍ കേരള കോണ്ഗ്രസ് മുന്നിട്ടിറങ്ങുമെന്ന് മുഖ്യപ്രഭാഷണം നടത്തിയ പാര്‍ട്ടി വര്‍ക്കിംങ് ചെയര്‍മാന്‍ പി.ജെ.ജോസഫ് പറഞ്ഞു.
ജില്ലാ പ്രസിഡന്റ് വിക്ടര്‍ ടി.തോമസ് അധ്യക്ഷത വഹിച്ചു. മുന്‍ എം.പി ഫ്രാന്‍സിസ് ജോര്‍ജ്, ജോസഫ്.എം.പുതുശ്ശേരി എം.എല്‍.എ, ജനറല്‍ സെക്രട്ടറിമാരായ പ്രൊഫ.ഡി.കെ.ജോണ്‍, ജോണ്‍.കെ.മാത്യൂസ്, ചെറിയാന്‍ പോളച്ചിറയ്ക്കല്‍, കെ.ജി.സാബു, ഏബ്രഹാം കലമണ്ണില്‍, ഇ.കെ.ചെല്ലപ്പന്‍, യൂത്ത്ഫ്രണ്ട് ജില്ലാ പ്രസിഡന്റ് വി.ആര്‍.രാജേഷ്, കുഞ്ഞുകോശി പോള്‍, സജി അലക്‌സ് എന്നിവര്‍ പ്രസംഗിച്ചു.
Tuesday, June 8, 2010
Subscribe to:
Post Comments (Atom)
2 comments:
http://www.youtube.com/watch?v=Pd33622O8bE&feature=player_embedded
http://www.youtube.com/watch?v=Pd33622O8bE&feature=player_embedded
Post a Comment