സി.എം.എസ്സില്നടന്നത് സര്ക്കാര് പിന്തുണച്ച കൈയേറ്റം -കെ.എം.മാണി
കോട്ടയം: സി.എം.എസ്. കോളേജില് സര്ക്കാര് പിന്തുണയോടെ നടന്ന കൈയേറ്റം ഹീനവും സംസ്കാരശൂന്യവുമാണെന്ന് കേരള കോണ്ഗ്രസ് (എം) ചെയര്മാന് കെ.എം.മാണി പറഞ്ഞു. സംഭവസമയത്ത് വിദേശയാത്രയിലായിരുന്ന അദ്ദേഹം മടങ്ങിവന്നയുടനെ കോളേജ് സന്ദര്ശിക്കുകയായിരുന്നു. 'അനുരഞ്ജന' ചര്ച്ചയുടെ മറവില് അക്രമികളെ സംരക്ഷിക്കാന് വ്യഗ്രത കാണിക്കുന്ന സി.പി.എം, കോളേജിനു വരുത്തിയ ലക്ഷക്കണക്കിനു രൂപയുടെ നഷ്ടവും കമ്പ്യൂട്ടറുകളും മറ്റും തകര്ത്തതുമൂലം 1500-ലധികം വിദ്യാര്ഥികളുടെ പഠനസൗകര്യങ്ങള് ഇല്ലാതാക്കിയതും വിസ്മരിക്കുന്നത് നിര്ഭാഗ്യകരമാണ്. കോളേജിന് സര്ക്കാര് നഷ്ടപരിഹാരം നല്കണം. ഈ തുക സി.പി.എമ്മില്നിന്ന് വസൂലാക്കാന് നടപടിയെടുക്കുകയും വേണം -കെ.എം.മാണി പറഞ്ഞു.
തോമസ് ചാഴികാടന് എം.എല്.എ, വിജി എം. തോമസ്, ഷാജന് കട്ടച്ചിറ എന്നിവരും അദ്ദേഹത്തോടൊപ്പം ഉണ്ടായിരുന്നു.
Thursday, June 24, 2010
Subscribe to:
Post Comments (Atom)
No comments:
Post a Comment