കോട്ടയം: സി.പി.എം.ന്റെ അതിക്രമങ്ങള്ക്ക് മൂകസാക്ഷിയായി മാറേണ്ട അവസ്ഥയാണ് ഇപ്പോള് കേരള പോലീസിനെന്ന് ജോസ്.കെ. മാണി എം.പി. അഭിപ്രായപ്പെട്ടു.
സി.എം.എസ്. കോളേജിലുണ്ടായ അനിഷ്ടസംഭവങ്ങള്, മതന്യൂനപക്ഷ വിദ്യാഭ്യാസ സ്ഥാപനങ്ങള് തകര്ക്കുക എന്ന ലക്ഷ്യത്തോടെ സി.പി.എം. തുടക്കമിട്ട പദ്ധതികളുടെ ഭാഗമാണെന്നും സംഭവത്തെ അപലപിക്കാന് കേരളത്തിലെ ഭരണകര്ത്താക്കളാരും തയ്യാറാകാത്തത് ഇതിനുദാഹരണമാണെന്നും അദ്ദേഹം പറഞ്ഞു. അക്രമം നടത്തിയ എസ്.എഫ്.ഐ.യുടെ ആക്രമണങ്ങളേക്കാള് ക്രൂരമാണ് വിദ്യാഭ്യാസമന്ത്രി എം.എ. ബേബിയും ഇ.പി. ജയരാജനും സമരത്തെ ന്യായീകരിച്ചുകൊണ്ട് നടത്തിയ പ്രസ്താവനകള്.
ഇത്തരം സമരങ്ങളെ ന്യായീകരിച്ച് വിദ്യാഭ്യാസമന്ത്രി നടത്തിയ പ്രസ്താവന കേരളത്തിന് അപമാനകരമാണ്. മുഖ്യമന്ത്രിയുടെ ഭാഗത്തുനിന്നും പാര്ട്ടിയുടെ ഭാഗത്തുനിന്നും വ്യത്യസ്തങ്ങളായ പ്രതികരണങ്ങളാണ് ഉണ്ടായിരിക്കുന്നത്. അക്രമികളെ രക്ഷപ്പെടാന് അനുവദിക്കാതെ അവരെ നിയമത്തിനുമുന്നില് കൊണ്ടുവരാന് മുഖ്യമന്ത്രി ശ്രമിക്കുമോ എന്ന് കേരളം ഉറ്റുനോക്കുകയാണ് - അദ്ദേഹം പറഞ്ഞു.
Friday, June 18, 2010
Subscribe to:
Post Comments (Atom)
No comments:
Post a Comment