കോട്ടയം: സംസ്ഥാനത്ത് പകര്‍ച്ചപ്പനി നിയന്ത്രിക്കുന്നതിന് സര്‍ക്കാര്‍ ഫലപ്രദമായ നടപടികള്‍ സ്വീകരിക്കണമെന്ന് കോട്ടയത്ത് ചേര്‍ന്ന കേരളാ കോണ്ഗ്രസ് (എം) സംസ്ഥാന സ്റ്റിയറിങ് കമ്മിറ്റി യോഗം ആവശ്യപ്പെട്ടു. പാര്‍ട്ടി ചെയര്‍മാന്‍ കെ.എം. മാണി അധ്യക്ഷതവഹിച്ചു. വര്‍ക്കിങ് ചെയര്‍മാന്‍ പി.ജെ. ജോസഫ് മുഖ്യപ്രഭാഷണം നടത്തി.
നിയമസഭാ തിരഞ്ഞെടുപ്പിനുശേഷം നിലവില്‍ വരുന്ന പുതിയ ഭരണഘടനയുടെ അടിസ്ഥാനത്തില്‍ നടക്കുന്ന സംഘടനാ തിരഞ്ഞെടുപ്പില്‍ പാര്‍ട്ടി ഭാരവാഹികളുടെ എണ്ണം പരിമിതപ്പെടുത്തേണ്ടതാണെന്നും യോഗം തീരുമാനിച്ചു. യോഗത്തില്‍ പാര്‍ട്ടി നേതാക്കളായ പി.സി. ജോര്‍ജ്, ഈപ്പന്‍ വര്‍ഗീസ്, ഡോ. കെ.സി. ജോസഫ്, ടി.യു. കുരുവിള, ജോസ് കെ. മാണി എം.പി, ജോയി എബ്രഹാം, ഫ്രാന്‍സിസ് ജോര്‍ജ്, തോമസ് ചാഴികാടന്‍, തോമസ് ഉണ്ണിയാടന്‍, ജോസഫ് എം. പുതുശ്ശേരി, റോഷി അഗസ്റ്റിന്‍, എന്‍. ജയരാജ്, പി.സി. ജോസഫ്, മോന്‍സ് ജോസഫ് തുടങ്ങിയവര്‍ പ്രസംഗിച്ചു.
Friday, June 11, 2010
Subscribe to:
Post Comments (Atom)
No comments:
Post a Comment