കോടിയേരി രാജിവെക്കണം- പി.സി. ജോര്ജ്
ന്യൂഡല്ഹി: കേരളത്തില് സി.പി.എം.ഫാസിസ്റ്റ് ഭീകരവാദികളുടെ സംഘടനയായെന്നും ഇതിനു കൂട്ടുനില്ക്കുന്ന ആഭ്യന്തരമന്ത്രി കോടിയേരി ബാലകൃഷ്ണന് രാജിവെക്കണമെന്നും പി.സി. ജോര്ജ് എം.എല്.എ. പത്രസമ്മേളനത്തില് പറഞ്ഞു.
ആദ്യം എസ്.എഫ്.ഐ.യുടെയും പിന്നീട് ഡി.വൈ.എഫ്.ഐ.യുടെയും നേതൃത്വത്തിലാണ് കോട്ടയം സി.എം.എസ് കോളജില് അക്രമം നടത്തിയത്-പി.സി. ജോര്ജ് പറഞ്ഞു. കണ്ണൂരില് ശക്തമായി പരീക്ഷിച്ച ഫാസിസം കേരളത്തില് മുഴുവന് വ്യാപിപ്പിച്ച് അധികാരം പിടിച്ചു നിര്ത്താന് കഴിയുമോ എന്നാണ് സി.പി.എം. പരിശോധിക്കുന്നത്. കോട്ടയം സി.എം.എസ്. കോളജിനു സംരക്ഷണം നല്കാന് ഹൈക്കോടതി ഉത്തരവു നല്കിയിട്ടും അക്രമം നടക്കുമ്പോള് പോലീസ് നോക്കുകുത്തിയായി നിന്നു. സി.പി.എമ്മിന്റെ ന്യൂനപക്ഷ വിരുദ്ധ നിലപാടാണ് നൂറിലേറെ വര്ഷം പഴക്കമുള്ള സി.എം.എസ്. കോളജ് ആക്രമിക്കുക വഴി വ്യക്തമാവുന്നത്. കേന്ദ്രസര്ക്കാര് ഇക്കാര്യം ശ്രദ്ധിക്കേണ്ടതാണ്-പി.സി. ജോര്ജ് പറഞ്ഞു.
Sunday, June 20, 2010
Subscribe to:
Post Comments (Atom)
No comments:
Post a Comment