കേന്ദ്രം ഇടപെടണമെന്നാവശ്യപ്പെട്ട് ജോസ് കെ. മാണി എം.പി. കത്ത് നല്‍കി
കോട്ടയം: കേരളത്തിലെ ന്യൂനപക്ഷ വിദ്യാഭ്യാസ സ്ഥാപനങ്ങള്‍ക്കുനേരെ നടന്നുകൊണ്ടിരിക്കുന്ന അക്രമങ്ങള്‍ അവസാനിപ്പിക്കാന്‍ കേന്ദ്രസര്‍ക്കാര്‍ ഇടപെടണമെന്നാവശ്യപ്പെട്ട് കേന്ദ്ര ന്യൂനപക്ഷ വകുപ്പ് മന്ത്രി സല്‍മാന്‍ ഖുര്‍ഷിദിന് കത്ത് നല്‍കിയതായി ജോസ് കെ. മാണി എം.പി. അറിയിച്ചു.
''കുറേ നാളുകളായി സി.പി.എമ്മിന്റെ നേതൃത്വത്തില്‍, ന്യൂനപക്ഷ വിദ്യാഭ്യാസ സ്ഥാപനങ്ങള്‍ക്കുനേരെ നടക്കുന്ന അക്രമങ്ങളെ പ്രതിരോധിക്കാന്‍ സംസ്ഥാന സര്‍ക്കാര്‍ പരാജയപ്പെട്ട സാഹചര്യത്തില്‍ കേന്ദ്രസര്‍ക്കാര്‍ ശക്തമായി ഇടപെടണം. അക്രമത്തിന്റെ ഏറ്റവും ഒടുവിലത്തെ ഉദാഹരണമാണ് കഴിഞ്ഞ ദിവസം കോട്ടയം സി.എം.എസ്. കോളേജില്‍ ഉണ്ടായ സംഭവങ്ങള്‍. ന്യൂനപക്ഷ വിദ്യാഭ്യാസ സ്ഥാപനങ്ങള്‍ തകര്‍ക്കുക എന്ന ലക്ഷ്യത്തോടെ സി.പി.എം. തുടക്കമിട്ട ഗൂഢപദ്ധതികളുടെ ഭാഗമാണിതെന്നും ഈ സംഭവത്തെ അപലപിക്കാന്‍ കേരളത്തിലെ ഭരണകര്‍ത്താക്കളാരും തയ്യാറാകാത്തത് ഇതിനുദാഹരണമാണെന്നും അദ്ദേഹം കത്തില്‍ അഭിപ്രായപ്പെട്ടു. അക്രമപ്രവര്‍ത്തനങ്ങളെ ന്യൂനപക്ഷങ്ങള്‍ക്കെതിരെയുള്ള കൈയേറ്റമായി കണ്ട്, ന്യൂനപക്ഷ വിദ്യാഭ്യാസ സ്ഥാപനങ്ങള്‍ക്ക് സംരക്ഷണം നല്‍കാന്‍ കേന്ദ്രം സംസ്ഥാന സര്‍ക്കാരിന് അടിയന്തര നിര്‍ദേശം നല്‍കണം''-ജോസ് കെ. മാണി ആവശ്യപ്പെട്ടു.
Sunday, June 20, 2010
Subscribe to:
Post Comments (Atom)
1 comment:
pinne maani undakkiyaal sfi angu kathum phooo
Post a Comment